HYSBYSIAD O GONTRACT - CENEDLAETHOL

1 Manylion yr Awdurdod

1.1

Enw a Chyfeiriad yr Awdurdod

1.2

Cyfeiriad ar gyfer cael dogfennaeth

Fel yn I.1

1.3

Mae'n rhaid dychwelyd dogfennau wedi'u cwblhau at:

Fel yn I.1

2 Manylion y Contract

2.1

Teitl

Ailosod gwefan presennol ASDinfoWales

2.2

Disgrifiad o'r nwyddau neu'r gwasanaethau sydd eu hangen

Amcanion y darn hwn o waith yw:

• darparu gwefan gwbl ddwyieithog yn lle www.ASDinfoWales.co.uk gyda throsglwyddiad llyfn o’r safle cyfredol, gan gynnwys nodweddion sydd yr un fath â’r rhai cyfredol, yn ogystal â rhai newydd o bosib;

• lletya’r wefan mewn amgylchedd ddiogel gydag ategiad (back up) , gan fodloni holl ofynion deddfwriaethol diogelu data a diogelwch seiber.

• cynnal a datblygu’r wefan ymhellach yn unol â gofynion y Tîm Awtistiaeth Cenedlaethol.

Rydym yn chwilio am dendrau i ddarparu yn erbyn cytundeb tymor penodol o 5 – 10 mlynedd (posib adolygu hyn) gan ddefnyddio proses ddeialog gystadleuol gyda phwynt penodol ar gyfer adolygu’r contract (Ebrill 2021, pan fydd cyllid cyfredol LlC yn dod i ben, a bob dwy flynedd o’r dyddiad hwn).

Rhaid i wefan y Tîm Awtistiaeth Cenedlaethol barhau i gynnig y cynnwys a’r ymarferoldeb cyfredol fel sydd ar www.ASDinfoWales.co.uk

Rydym yn disgwyl i’r holl gynnwys data cyfredol gael ei symud i safle’r cyflenwr newydd.

Byddem yn croesawu cadw steil a dull arddangos (edrychiad a theimlad) cyfredol yr holl gynnwys, ond byddem hefyd yn croesawu opsiynau ar gyfer gwella hygyrchedd, ac ail-ddylunio’r wefan.

Bydd yr holl gynnwys yn cael ei arddangos yn Gymraeg ac yn Saesneg ac yn cael ei reoli gan fotwm iaith fydd yn caniatáu ymwelwyr i aros ar y dudalen We yn eu dewis o iaith.

Sicrhau bod unrhyw system yn cydymffurfio â holl ddeddfau diogelu data a diogelwch seiber bob amser.

Rhaid i wefan y Tîm Awtistiaeth Cenedlaethol barhau i gynnig y cynnwys a’r ymarferoldeb cyfredol fel y nodir ar www.ASDinfoWales.co.uk, sy’n cynnwys:

5.1 Cynlluniau Ardystio – rhan allweddol o’r safle yw nifer o gynlluniau ardystio ‘ymwybyddiaeth o awtistiaeth’ Mae’r ardystiadau wedi eu hanelu at weithwyr mewn nifer o sectorau, gan gynnwys Gofal Iechyd, Addysg, Gwasanaethau Hamdden a Thai. Mae pob cynllun â thystysgrif arbennig ar gyfer y sector honno, a ddyfernir os ceir llwyddiant o 100% yn y cwestiynau. Mae pob cynllun yn defnyddio ffeil XML i storio’r cwestiynau a’r atebion, yn Gymraeg ac yn Saesneg. Cymwysiadau Dysgu gydag Awtistiaeth (Blynyddoedd Cynnar, Ysgolion Cynradd, Ysgolion Uwchradd) – Mae’r system yn gadael i ysgolion gofrestru er mwyn dangos eu bod yn ymwybodol o awtistiaeth, maent yn cwblhau ffurflen gais ar-lein, sydd wedyn yn cael ei phrosesu â llaw gan y Tîm Awtistiaeth Cenedlaethol. Maent yn nodi eu bod yn derbyn datganiadau allweddol, ac yna yn cael eu hychwanegu at restr gweithredol o ysgolion sydd wedi nodi eu dymuniad i fod yn ymwybodol o awtistiaeth.

 Blynyddoedd Cynnar - www.ASDinfoWales.co.uk/whole-setting-award

 Ysgolion Cynradd - www.ASDinfoWales.co.uk/asd-aware-schools

 Ysgolion Uwchradd - www.ASDinfoWales.co.uk/secondary-school-certification

5.2 Addewid Archarwyr Awtistiaeth – gall plant ‘wneud cais’ i fod yn archarwr awtistiaeth, drwy ateb rhai cwestiynau a chyflwyno’r ffurflen. Wrth ei chyflwyno, caiff tystysgrif PDF ei chreu, sydd wedi ei phersonoli gyda’u henw.

www.ASDinfoWales.co.uk/superhero

Elfen arall yw fersiwn PDF ryngweithiol o'r llyfr Archarwyr Awtistiaeth

http://preview.gtdab.com/00000851/00019014/00093649/.

5.3 Lluniwr Proffil (oedolyn/person ifanc /plentyn) – Gall defnyddwyr adeiladu eu proffil drwy ddewis eu anawsterau, yr hyn maent yn ei hoffi, ddim yn ei hoffi, ac ati. Gall gofalwr hefyd gychwyn y broses hon, gyda chyfrif ar y safle i ddarparu trosolwg o anghenion plentyn. Ar y diwedd, mae’r system yn cynhyrchu dogfen Word gyda’i holl atebion. Mae’r ffeil wedyn ar gael i’w lawrlwytho a’i hargraffu. Ardal ddiogel, angen mewngofnodi.

 Oedolion - www.ASDinfoWales.co.uk/adult-profile

 Pobl ifanc - www.ASDinfoWales.co.uk/pupil-profile

 Plant - www.ASDinfoWales.co.uk/child-profile

5.4 Cardiau Lluniau – Galluogi creu cynllunwyr lluniau unigol (cardiau fflach) y gellir eu rhoi fel allbwn ar ddogfen Word a’u hargraffu. Bas data o gardiau fflach y gellir ei chwilio, gellir eu llusgo / gollwng er mwyn trefnu dogfen wrth i’r rhaglen gyfrifiadurol redeg. Allforio allbwn fel dogfen PDF. Javascript, Jquery, JqueryUI sy’n darparu modd i’r cleient gyfathrebu. Ardal ddiogel, angen mewngofnodi.

 www.ASDinfoWales.co.uk/picture-cards

5.5 Geirfa Idiomau – Geirfa gyda miloedd o idiomau, brawddegau a geiriau, yn ogystal â diffiniadau ohonynt. Geirfa y gellir ei chwilio, sy’n ddwyieithog.

 www.ASDinfoWales.co.uk/idioms-glossary

5.6 Dull Pennu Nodau – Ysgrifennwyd gyda JavaScript, atebion yn cael eu harbed gyda PHP yng nghefn MySQL. Ardal ddiogel, angen mewngofnodi. Cymorth i ddefnyddiwr osod a rheoli nifer o nodau ar gyfer eu bywyd, mewn meysydd fel tai, gweithgareddau hamdden, cyflogaeth, arian, a lles. Mae coeden lywio yn symleiddio’r broses o reoli eu nodau. Gall allbynnau gael eu hallforio at ddefnydd all-lein ar ffurf dogfen Word gyda’u holl nodau. Ardal ddiogel, angen mewngofnodi.

• www.ASDinfoWales.co.uk/goal-setting-tool

5.7 Geiriadur Medrau Meistr – Bas Data sy’n caniatáu’r defnyddiwr i chwilio am ystyr brawddegau sy’n gyffredin mewn iaith drosiadol. Tebyg i ymarferoldeb yr Eirfa Idiomau. www.ASDinfoWales.co.uk/master-skills-dictionary

5.8 Rhestr Medrau Personol - Galluogi defnyddiwr sydd wedi mewngofnodi i gynhyrchu rhestr o sgiliau personol fydd o gymorth wrth chwilio am swyddi. Caiff dogfen Word ei chreu sy’n cynnwys atebion y defnyddiwr. Cysylltu gyda’r Lluniwr Proffiliau. Ardal ddiogel, angen mewngofnodi.

 www.ASDinfoWales.co.uk/personal-skills-builder

5.9 Lluniwr CV – Mae’r offeryn hwn yn hwyluso’r broses o greu CV ar-lein, gydag adrannau gwahanol ar gyfer Proffil a Sgiliau, Cyflogaeth a Phrofiad, Hyfforddiant ac Addysg, Gwybodaeth, Canolwyr. Mae’r sgiliau yn cael eu llwytho’n awtomatig o’r atebion a roir yn y Lluniwr Sgiliau. Gellir cynhyrchu a lawrlwytho ffeil Word. Ardal ddiogel, angen mewngofnodi.

 www.ASDinfoWales.co.uk/cv-builder

5.10 Pecyn Chwilio am Waith – Bwriad adran hon y wefan yw ceisio helpu unigolion wrth iddynt chwilio am waith. Mae’r adran mewn sawl cam, a gall y defnyddiwr arbed eu cynnydd ar unrhyw gam. Yn gyntaf mae’r defnyddiwr yn adeiladu rhestr o’r hyn maent yn eu hoffi / ddim yn eu hoffi o ran amodau gweithio, gan ddewis o restr. Yna maent yn nodi eu dull teithio ac yn gosod cod post ac ardal y byddent yn hapus i weithio oddi mewn iddi. Mae adrannau eraill yn cynnwys yr hyn maent yn eu hoffi, diffiniad o’u sgiliau, eu gwybodaeth a’u profiad, yn ogystal â chamau gyda chyfeiriadau at wahanol fathau o wybodaeth gefnogol.

 www.ASDinfoWales.co.uk/employment-workbook

5.11 Tystysgrif Cadarnhaol ynghylch Gweithio gydag Awtistiaeth – System sy’n gadael i fusnesau/sefydliadau gofrestru i fod yn ‘Gadarnhaol ynghylch gweithio gydag Awtistiaeth’. Maent yn nodi eu bod yn derbyn datganiadau allweddol, yna yn cael eu hychwanegu at restr weithredol o fusnesau a restrir fesul awdurdod sydd wedi nodi eu bod yn ‘Gadarnhaol ynghylch Gweithio gydag Awtistiaeth’, ac mae’r system hefyd yn cynhyrchu tystysgrif PDF iddynt.

 www.ASDinfoWales.co.uk/home.php?page_id=8801 & www.ASDdinfoWales.co.uk/company-list

5.12 Gweithio gydag Awtistiaeth Ap Symudol - Wedi'i ysgrifennu yn Apache Flex & MXML, er ei fod bellach wedi dyddio, a bydd angen ei ddiweddaru. Yn caniatáu i'r defnyddiwr osod ei sgiliau a'i dewisiadau gorau/ gwaethaf o ran amgylchedd mewn lleoliadau gwaith gwanhaol. Gellir gosod swyddi ar y system trwy ddiffinio gofynion sylfaenol y rôl. Gellir arbed swyddi a mynd yn ôl atynt yn ddiweddarach. Mae'r Ap yn allbynnu asesiad rhifiadol ar ba mor addas yw'r unigolyn ar gyfer y swydd honno. Mae'r Ap yn defnyddio gwybodaeth ac ymatebion o'r wefan, felly mae angen cyfrif defnyddiwr gweithredol i'w ddefnyddio.

5.13 System Rheoli Cynnwys Cynlluniwr ASD ac Ap Symudol – Dyma system rheoli cynnwys ar wahân sy’n caniatáu i amryw o ddefnyddwyr sydd wedi mewngofnodi o amrywiol safleoedd daearyddol allu rheoli eu bas data eu hunain o Ddigwyddiadau a Gweithgareddau. Mae’r system wedyn yn cysoni’r gweithgareddau hyn ag Ap Symudol y defnyddiwr hwnnw.

• www.ASDinfoWales.co.uk/asdplanner

(D.S.: Ar gyfer pob Ap efallai y bydd yn bosibl defnyddio'r wefan yn uniongyrchol ar borwr ffon symudol ac felly negyddu'r gofyniad am Ap symudol. Os gall darpar werthwyr sicrhau y gellir defnyddio gweithrediad POB nodwedd gwefan yn llawn trwy ddetholiad o borwyr symudol safonol (IOS, Android ect.) dylid datblygu hyn yn yr ymateb.)

5.14 Fforymau Diogel – gwybodaeth a dogfennau y gellir eu rhannu, mae defnyddwyr yn mewngofnodi ac yn derbyn negeseuon e-bost yn eu hysbysu ddwywaith y dydd. O fewn ardal ddiogel y safle, gall defnyddwyr gweinyddol breiniol danysgrifio i bynciau o fewn amrywiol Fforymau. Pan fydd diweddariad yn cael ei wneud i un neu fwy o’r pynciau Fforwm hynny, mae’r system yn cynhyrchu e-bost wedi ei frandio gan ASDinfo, ac yn ei anfon at yr holl ddefnyddwyr sydd wedi tanysgrifio i’r Fforwm/ Fforymau sydd wedi ei/eu newid. Mae sgript gweinyddwr yn gwirio am ddiweddariadau i’r Fforymau ddwywaith y dydd, drwy dasg cron, ac yna yn anfon e-bost at yr holl ddefnyddwyr perthnasol, i roi gwybod iddynt am y diweddariad

6.1 Yr holl gynnwys i’w letya gan y darparwr

6.2 Cytundeb Lefel Gwasanaeth i’w gytuno o safbwynt amserlenni a datrys galwadau cymorth

6.3 Staff cymorth gan y darparwr i fod ar gael yn ystod oriau swyddfa (9-5pm Dydd Llun – dydd Gwener)

6.4 Mesurau diogelu yn eu lle er mwyn datrys methiannau’r safle y tu allan i oriau swyddfa.

6.5 Rhaid i’r holl drefniadau lletya gydymffurfio gyda gofynion cyfreithiol storio data

6.6 Bydd angen i’r darparwyr arwyddo Cytundeb Prosesu Data CLlLC o safbwynt y gwasanaethau hyn

6.7 Cymdeithas Llywodraeth Leol Cymru (CLlLC) sy’n berthen ar y cynnwys a hawlfraint y cynnwys sydd ar y parth gwe canlynol:

www.ASDinfoWales.co.uk

Nodwch bod CLlLC yn ystyried prynu parthau newydd e.e. ASDinfo.cymru ac ASDinfo.wales (a’u un fath yn y Gymraeg) a byddent yn disgwyl i’r safle newydd “gyfeirio” at y parthau newydd (yr URL sy’n derbyn yn anfon ymlaen oddi yno).

NODER: Ewch i'r Wefan yn https://www.sell2wales.gov.wales/Search/Search_Switch.aspx?ID=97947 i gofrestru eich diddordeb yn yr hysbysiad hwn a chael unrhyw wybodaeth ychwanegol.

Mae'r awdurdod dyfarnu wedi nodi y bydd yn derbyn ymatebion electronig i'r hysbysiad hwn drwy'r cyfleuster 'Blwch Postio Cyflwyno Tendrau'. Mae rhagor o fanylion am y cyfleuster hwn ar gael yn https://www.sell2wales.gov.wales/sitehelp/help_guides.aspx.

Cynghorir cyflenwyr i ganiatáu digon o amser i lanlwytho dogfennau ac anfon yr ymateb electronig ymhell cyn yr amser cau er mwyn osgoi unrhyw broblemau munud olaf.

2.3

Cod a Dosbarthiad yr Hysbysiad

2.4

Cyfanswm maint neu gwmpas y tendr

Fel canllaw yn unig, rhagwelir y bydd angen cyfanswm o oddeutu £15- £20,000 (ag eithrio VAT) a gan gynnwys yr holl gostau ac alldaliadau ar gyfer cwblhau’r prosiect yn 2020/21. Bydd anfonebau yn cael eu cyflwyno ar gyfer eu talu wedi i’r wefan gael ei hadeiladu ac wedi iddi gael ei phrofi yn llwyddiannus. Dylai’r cynigydd nodi’r amserlen gostau ar gyfer lletya a chynnal y wefan yn barhaol.

Dylai costau gynnwys darpariaeth ar gyfer ymgysylltu gyda’r Tîm Awtistiaeth Cenedlaethol, cynllunio’r prosiect, symud y wefan (o’r safle cyfredol gan gynnwys trosglwyddo), cynllunio a chreu y wefan newydd, cyfnod trawsnewid / profi, a chostau teithio.

3 Amodau ar gyfer Cymryd Rhan

3.1

Safonau gofynnol a'r cymhwyster sydd ei angen

DYLAI TENDRAU AR GYFER Y GWAITH HWN DDANGOS

a. Cymwysterau priodol a phrofiad o ddarparu a lletya gwefannau o safon uchel, a chynnal gwefannau i safon Llywodraethol gan gynnwys gofynion diogelu data a GDPR llawn ar gyfer rheoli data cleientiaid.

b. Gwybodaeth ddigonol a phrofiad diweddar o weithio gydag asiantaethau yn y sector cyhoeddus yn genedlaethol.

c. Ymwybyddiaeth o’r iaith Gymraeg, deddfwriaeth yn ymwneud â’r iaith Gymraeg a chyd-destun polisi Cymreig.

d. Pris a gwerth am arian wedi ei ddangos yn glir yn yr ymateb i’r cais.

e. Gallu dangos rheolyddion a chydymffurfiaeth â diogelu data drwy brosesau achredu a safonau o ansawdd ar gyfer cyrff a gydnabyddir gan y diwydiant (fel Cyber Essentials Plus neu ISO27001). Os yn berthnasol rhowch fanylion o unrhyw achosion o dorri rheolau data maent wedi ei gael dros y ddwy flynedd ddiwethaf a rheoliadau a mesurau a gyflwynwyd o ganlyniad i hynny.

Bydd y broses dendro yn cael ei chynnal fel gweithdrefn agored a’r cais llwyddiannus yn cael ei asesu ar sail Y Tendr Mwyaf Manteisiol yn Economaidd a’r manylder technegol a’r cynllun prosiect mwyaf priodol i’w weithredu er mwyn bodloni’r briff.

Bydd y ceisiadau yn cael eu hasesu ar sail y dadansoddiad canlynol:

7a = 30%

7b = 30%

7c = 10%

7d = 10%

7e – 20%

Nodwch y bydd yn ofyniad i bob tendr weithio yn yr iaith Gymraeg ble bo’n angenrheidiol.

Amseru a Disgrifiad o’r Broses:

Cam Un

Cyhoeddi manyleb y tendr

4 Rhagfyr 2019

Hysbysiad gan y gwerthwr eu bod yn bwriadu gwneud cais drwy PQQ 13 Rhagfyr 2019

Ymateb drafft i’r cais (cyflwyno amlinelliad) 3 Ionawr 2020

Cam Dau

Gwerthuso Ceisiadau Amlinellol

6 Ionawr 2020

Rhestr Hir (TAC)

Hysbysu Cynigwyr 8-10 Ionawr 2020

14 Ionawr 2020

Cam Tri

Cynghori cynigwyr sydd ar y rhestr fer

24 Ionawr 2020

Deialog gystadleuol – cyfarfod cynigwyr sydd ar y rhestr fer 26/27 Chwefror 2020

Proses sgorio a dyfarnu 3/4 Mawrth 2020

Dyfarnu’r tendr a chyfarfod cychwynnol 11 Mawrth 2020

Cyfarfod Cychwynnol Carreg Filltir Allweddol gyda’r Cynigydd Llwyddiannus 28 Mawrth 2020

Cwblhau’r broses dendro 30 Ebrill 2020

Bydd gwerthuso yn cael ei wneud fel a ganlyn:

Cam 1: Bydd yr holl geisiadau yn cael eu hasesu yn erbyn y meini prawf uchod er mwyn gwahaniaethu ar eu safleoedd.

Cam 2: Mae’n bosib y gweithredir cyfnod cyfweld opsiynol er mwyn eglurder yn ôl disgresiwn CLlLC, i egluro rhai manylion ac i sicrhau bod y ceisiadau wedi eu deall yn iawn ac nad oes unrhyw rannau wedi eu cam-ddehongli, er mwyn gwahaniaethu yn eglur ar safleoedd y ceisiadau.

Nodyn i Gynigwyr: Dim ond i uchafswm o 3 o gynigwyr sydd yn y safleoedd uchaf y bydd Cam 2 yn berthnasol. Dim ond os bydd yn angenrheidiol y bydd cynigwyr yn cael eu gwahodd i gyfweliad egluro. Yn y rhan fwyaf o amgylchiadau bydd eglurder o’r fath yn cael ei geisio yn ysgrifenedig yn gyntaf, yn unol â rheolau gweithdrefn caffael CLlLC.

Bydd disgwyl i gynigwyr, os bydd angen, fod ar gael ar gyfer cyfweliad ar 26/27 Chwefror 2020, yn Nhŷ Llywodraeth Leol, Rhodfa Drake, Caerdydd, CF10 4LG

Bydd y gwaith yn cael ei gyflawni yn unol â’r Contract a “Thelerau ac Amodau Cyflenwi Gwasanaethau Ymgynghori” CLlLC, y mae copi ohono wedi ei atodi / ei gynnwys gyda’r gwahoddiad llawn i dendro.

4 Gwybodaeth Weinyddol

4.1

Math o Weithdrefn

Dau gam

4.2

Rhif cyfeirnod a roddwyd i'r hysbysiad gan yr awdurdod contractio

N/a

4.3

Terfynau Amser

4.5

Yr iaith neu'r ieithoedd y gellir ei/eu defnyddio i lunio tendrau neu geisiadau i gymryd rhan

4.6

Blwch Postio Cyflwyno Tendrau

5 Gwybodaeth Arall

5.1

Gwybodaeth Ychwanegol

Mae’r contract yn cael ei reoli gan y Tîm Awtistiaeth Cenedlaethol ar ran Cymdeithas Llywodraeth Leol Cymru (CLlLC).

Cymdeithas Llywodraeth Leol Cymru (CLlLC) fydd â’r contract ar gyfer y gwaith hwn, a rheolwr y contract fydd Sara Harvey ar ran Cymdeithas Llywodraeth Leol Cymru (CLlLC).

Bydd cyfarfodydd adolygu contractau yn cael eu cynnal yn rheolaidd bob chwarter.

Os oes angen mwy o wybodaeth arnoch, cysylltwch â Sara Harvey, Arweinydd Strategol Cenedlaethol dros Awtistiaeth (sara.harvey@wlga.gov.uk) neu Wendy Thomas, Arweinydd Proffesiynol Cenedlaethol dros Awtistiaeth (wendy.thomas@wlga.gov/uk), neu Tracy Hinton, Swyddog Datblygu’r Prosiect Awtistiaeth Cenedlaethol (tracy.hinton@wlga.gov.uk).

(WA Ref:97947)

Download the ESPD document here: https://www.sell2wales.gov.wales/ESPD/ESPD_Download.aspx?id=97947

5.2

Dogfennaeth Ychwanegol

5.3

Dyddiad cyhoeddi'r hysbysiad hwn