Ail-lunio Cymorth Llywodraeth Cymru ar gyfer Cyflogadwyedd

Mae Llywodraeth Cymru yn cynnal adolygiad uchelgeisiol o gymorth cyflogadwyedd yn ein gwlad, ac mae eich arbenigedd yn hanfodol i'w llwyddiant.

Rydym ni'n cynnal pedwar digwyddiad ymgysylltu rhanbarthol ledled Cymru i gyflawni ein huchelgais fel yr amlinellir yn ein Cynllun Cyflogadwyedd a Sgiliau.

Bydd y digwyddiadau'n dod â rhanddeiliaid allweddol at ei gilydd i’n helpu i greu Rhaglen Cymorth Cyflogadwyedd fwy integredig ac effeithiol.

Bydd y sesiynau rhyngweithiol hyn yn gyfle i chi:

• Gyfrannu at drafodaethau ar bynciau hanfodol i lywio dyluniad rhaglen newydd gan Lywodraeth Cymru
• Rhannu eich dealltwriaeth a'ch profiad gwerthfawr o fentrau cyfredol
• Helpu i lunio dulliau cyflawni yn y dyfodol
• Rhwydweithio â rhanddeiliaid eraill yn eich rhanbarth

Bydd eich cyfraniad chi’n dylanwadu'n uniongyrchol ar sut rydym ni'n cefnogi pobl gyda'u hanghenion cyflogaeth a sgiliau i gyrraedd y nod a chyflawni eu potensial am flynyddoedd i ddod.

Dyma leoliadau’r digwyddiadau:

• Caerdydd (29 Ebrill)
• Abergele (8 Mai)
• Llandrindod (22 Mai)
• Llanelli (4 Mehefin)

I gael y manylion llawn ac archebu'ch lle, ewch i:
https://wales.business-events.org.uk/cy/digwyddiadau/ail-lunio-cymorth-llywodraeth-cymru-ar-gyfer-cyflogadwyedd/

Mae lleoedd yn brin felly cofrestrwch yn gynnar.