Cyflwyniad
Mae cyfraith caffael cyhoeddus yn newid yn dilyn cyflwyno Deddf Caffael 2023 a'r Rheoliadau cysylltiedig newydd y bwriedir iddynt fod yn weithredol ar 24 Chwefror 2025. Os ydych yn fusnes sy'n cyflenwi nwyddau, gwaith neu wasanaethau i'r sector cyhoeddus yng Nghymru, mae angen i chi wybod am y newidiadau hyn a'n cynlluniau i baratoi rhanddeiliaid i'w rhoi ar waith.
Llywodraeth y DU
Er mwyn cefnogi parodrwydd ar gyfer y drefn newydd, mae GOV.UK wedi rhyddhau cyfres o adnoddau newydd i gefnogi cyflenwyr sy'n defnyddio'r platfform digidol canolog. Mae hyn yn cynnwys fideos manwl i gyflenwyr ar sut y gall gweinyddwyr gwblhau a diweddaru gwybodaeth am gyflenwyr, ynghyd â chanllaw fer i gyflenwyr ar sut i lywio'r llwyfan digidol canolog.
Yn ddiweddar, maent hefyd wedi cynnal dwy weminar ar gyfer cyflenwyr a phartïon eraill â diddordeb a oedd yn canolbwyntio ar y newidiadau allweddol i gyflenwyr ac sy'n cynnwys arddangosiad byw o'r platfform digidol canolog.
Gallwch weld yr holl recordiadau a fideos cyflenwyr yn: Gwybodaeth ac arweiniad i gyflenwyr - GOV.UK
Canllawiau ychwanegol
Canllaw cyflenwyr GwerthwchiGymru: Deddf Caffael 2023 a Rheoliadau Cysylltiedig: Canllaw byr i gyflenwyr - GwerthwchiGymru
Cyfres o fideos hyfforddi byr 'Gollwng Gwybodaeth': Deddf Caffael 2023 | LLYW.CYMRU
Canllawiau Deddf Caffael 2023: Deddf Caffael 2023 | LLYW.CYMRU
CYD. Adnoddau CYMRU: Diwygio Caffael - Caffael CYD
Deddfwriaeth ar GOV.UK: Procurement Act 2023
Cyhoeddwyd gyntaf
03 Chwefror 2025
Diweddarwyd ddiwethaf
03 Chwefror 2025