Digwyddiad Cwrdd â'r Prynwr Prifysgol Bangor

20 Ionawr 2025, 10:00 - 13:00

Bangor University, Neuadd Reichel (Reichel Hall), Bangor, LL57 2TR

Cost: Am ddim

Mae’r digwyddiad Cwrdd â’r Prynwr yn ddigwyddiad galw heibio a fydd yn rhoi cyfle i gyflenwyr drafod contractau posib ym Mhrifysgol Bangor. Dyma gategorïau’r cyfleoedd hyn: 

• Nwyddau traul a chyfarpar labordy
• Nwyddau traul ac offer Gwyddorau Iechyd
• Nwyddau traul a gwasanaethau arlwyo
• Nwyddau a gwasanaethau glanhau a golchi (llieiniau a golchi dillad, rheoli plâu, gwasanaethau toiledau)
• Gweithrediadau cyfleusterau (trwsio lifftiau a chynnal a chadw, diogelwch, gwasanaethau rheoli adeiladau, rheoli cyfleusterau caled, gwasanaethau cynnal a chadw adeiladau cyffredinol, gwasanaethau cynnal a chadw trydanol a mecanyddol, offer tân)
• Gwasanaethau proffesiynol  
• Gwasanaethau digidol
• Marchnata

Fodd bynnag, mae'r digwyddiad yn agored i BOB busnes gan gynnwys busnesau bach a chanolig sy'n dymuno dod draw am sgwrs.

Cynhelir cyfres o sesiynau trwy gydol y bore, fydd yn caniatáu i fusnesau ddysgu am gontractau a chyfleoedd tendro presennol/ar ddod a chael cyngor gwych ar dendro er mwyn nodi cyfleoedd a datblygu eu prosesau cynnig.

Bydd busnesau hefyd yn cael cipolwg ar y cymorth sydd ar gael i fod yn "barod i dendro" am y cyfleoedd hyn yn y dyfodol a ddarperir gan Fusnes Cymru a GwerthwchiGymru a fydd yn cynnal sesiynau 1-2-1 yn ystod y digwyddiad.