Piblinell Fforwm Adeiladu Cymru

Yn ôl i'r prosiect

Piblinell Fforwm Adeiladu Cymru

Mae'r Diwydiant Adeiladu yn chwarae rhan bwysig wrth gefnogi datblygiad economaidd yng Nghymru a'r effeithiau cadarnhaol a ddaw yn sgil hynny ar ein cymdeithas a'n pobl. Mae'r diwydiant adeiladu yn parhau i fod yn alluogwr mawr i economi Cymru er gwaethaf wynebu heriau ac ansicrwydd mawr.

Ond y ffordd rydyn ni'n ymateb gyda'n gilydd i'r heriau hyn sy'n wirioneddol bwysig. Mae'r sector yn chwarae rhan annatod wrth helpu i osod Cymru ar lwybr i ddarparu Cymru wyrddach, tecach a mwy llewyrchus. Creu amgylchedd economaidd i gefnogi lles y boblogaeth a chynyddu ffocws ar gynhyrchiant a thwf, lle nad oes neb yn cael ei adael ar ôl.

Yn 2023 amcangyfrifir bod gan y diwydiant adeiladu yng Nghymru gyfanswm allbwn o tua £7.8 biliwn, 8,230 o gyflogwyr yn y sector adeiladu sy'n 14% o holl gyflogwyr y wlad. Y sector oedd â'r gyfran fwyaf o gyflogaeth mewn mentrau bach/canolig (BBaCh) yng Nghymru.

Ym mis Rhagfyr 2023, dangosodd y mynegai tueddiad hirdymor ym maes adeiladu gynnydd o 26.5% i Gymru a chynnydd o 2.1% i'r DU o'i gymharu â'r 12 mis blaenorol.

Yn 2024 roedd cynnydd yn y galw am swyddi adeiladu (peirianneg ac ati) gyda disgwyl twf yn y sector ar gyfradd recriwtio flynyddol o 2,200 o weithwyr.

Ym mis Mawrth 2024, roedd gan y sector oddeutu 100,000 o swyddi gweithlu. Bydd angen cyfwerth ag 11,000 o weithwyr ychwanegol yn y wlad rhwng 2024 a 2028.

Y lefel recriwtio bresennol o fewn Diwydiant Adeiladu Cymru yw 8,900 o weithwyr y flwyddyn, mae gan y galwedigaethau canlynol rai o'r gwerthoedd gofyniad recriwtio cryfaf: Crefftau gosodiadau trydanol (350 y flwyddyn) Bricwyr a seiri maen (290 y flwyddyn) Cyfarwyddwyr, swyddogion gweithredol ac uwch reolwyr (290 y flwyddyn).

Mae adeiladu a'r broses adeiladu yn sector sylfaenol trawsbynciol sy'n hanfodol i gefnogi uchelgeisiau newid hinsawdd Llywodraeth Cymru, adeiladau cynaliadwy a chreu sgiliau, cyflogaeth, cyfoeth a ffyniant. Yn dilyn adborth gan arweinwyr y sector adeiladu, amlygwyd yr angen i'r llywodraeth wella'r gallu yr ymatebolrwydd a'r ymgysylltu ac i alinio ei blaenoriaethau. Arweiniodd hyn at sicrhau bod cyllid ar gael ar gyfer ymagwedd ac ymgysylltiad fwy penodol gan ddarparu gwybodaeth a chyngor amserol drwy gefnogaeth dan gontract drwy Adeiladu Arbenigrwydd yng Nghymru i gynhyrchu capasiti ychwanegol.

Mae Fforwm Adeiladu Cymru yn dwyn ynghyd ffigurau blaenllaw o'r sectorau preifat a chyhoeddus ar draws diwydiant adeiladu Cymru ynghyd â phartneriaid cymdeithasol Cymru, i gytuno ar ffordd ymlaen i'r diwydiant allu helpu Cymru i "adeiladu'n ôl yn well".

Dan gadeiryddiaeth Jeremy Miles AS, Ysgrifennydd y Cabinet dros yr Economi, Ynni a'r Gymraeg.

Mae gwaith y fforwm yn rhan annatod o helpu'r diwydiant i ffynnu dros y blynyddoedd nesaf. Drwy gydweithio drwy arbenigedd, gwybodaeth ac arfer gorau, mae'r fforwm yn cynrychioli buddiannau cadwyn gyflenwi adeiladu amrywiol Cymru i sefydlu camau cadarnhaol, gan roi ffocws arbenigol i faterion sectoraidd pwysig. 

Tendro Busnes Cymru

Gall Busnes Cymru helpu i wella cadwyni cyflenwi a gweithio gyda phrynwyr y sector cyhoeddus i alluogi busnesau yng Nghymru i sicrhau cyfran uwch o wariant y sector cyhoeddus; a darparu cyngor caffael i gynorthwyo busnesau yn enwedig yr economi sylfaenol, cwmnïau sefydledig a chlystyrau busnes, i wneud cais am gontractau yn y sector cyhoeddus a phreifat.  

Gall Busnes Cymru hefyd helpu i ddatblygu dealltwriaeth a chwblhau'r prosesau caffael megis holiaduron cyn cymhwyso, tendrau ac achrediad rheoli ansawdd. Mae'r gwasanaeth hefyd yn gweithio gyda phrynwyr i gynnal digwyddiadau priodol gan gynnwys sesiynau briffio cyflenwyr, digwyddiadau cwrdd â’r prynwr, cynnigion ar y cyd ac ymholiadau cyn y farchnad. Mae Busnes Cymru hefyd yn hyrwyddo offer a phyrth e-gaffael cenedlaethol gan gynnwys GwerthwchiGymru, Contracts Finder, Find a Tender a gwella ymwybyddiaeth BBaChau o'r ''Dealltwriaeth o'r Cod Ymarfer: Cyflogaeth Foesegol mewn cadwyni cyflenwi'.

Mae Cynghorwyr Tendro Busnes Cymru yn helpu busnesau i ddod yn 'addas ar gyfer tendr' i wella eu siawns o ennill contractau sector cyhoeddus a phreifat, is-gontractio gwaith ar brosiectau sector cyhoeddus mwy a sicrhau lleoedd ar fframweithiau'r sector cyhoeddus.

Mae Cynghorwyr Tendro Busnes Cymru yn darparu cyngor ar gyfleoedd tendro piblinell a sut i gydweithio i sicrhau contractau. Maent hefyd yn helpu busnesau i ddeall caffael yn y sector cyhoeddus, anghenion a disgwyliadau prynwyr, a sut i wneud y gorau o borth GwerthwchiGymru, gan gynnwys help gyda chofrestru a gwella proffiliau.

Mae cyfres o weithdai sut i dendro ar gael i fusnesau sydd am ddechrau neu wella sut maent yn tendro am gontractau. Mae digwyddiadau Cwrdd â'r Prynwr ac Ymgysylltu yn cael eu cynnal a'u cefnogi gan Busnes Cymru i hysbysu, ymgysylltu ac annog cyflenwyr i ehangu eu cadwyn gyflenwi ac agor cyfleoedd i fusnesau yng Nghymru.

Cynllun prynu awdurdodau lleol

Dogfennau piblinell awdurdodau lleol